سیالکوٹ:ملاوٹ شدہ مصالحوں کی فروخت ،انتظامیہ تما شائی
سیالکوٹ (نمائندہ دنیا )ملاوٹ شدہ مصالحہ جات کی کھلے عام فروخت جاری ،انتظامیہ خاموش تماشائی بن گئی، سرخ مرچ ،مصالحہ ،ہلدی اور دیگر مصالحہ جات کو خطرناک کیمیکل ،رنگ اور چاول کے بھوسے کی ملاوٹ کرکے بازاروں میں کھلے عام فروخت کیا جارہا ہے ۔
مافیا نے جعلی مصالحہ جات تیار کرنے کیلئے گھروں میں منی فیکٹریاں قائم کررکھی ہیں ان غیر معیاری مصالحہ جات کو ہوٹلز ،میرج ہالز و میرج گارڈن کے مالکان سستے دامو ں خرید کر کھانوں میں استعمال کرتے ہیں۔ جس سے شہری بڑی تعدادی میں معدے کی خطرناک بیماریوں میں مبتلا ہورہے ہیں۔ شہریوں نے ڈپٹی کمشنر سیالکوٹ سے مطالبہ کیا ہے کہ سیالکوٹ شہر میں قائم نجی فیکٹریوں کے خاتمے کے لئے آپریشن کروایا جائے تاکہ شہریوں کو حفظان صحت کے اصولوں کے مطابق مصالحہ جات کی فراہمی ممکن ہوسکے ۔
روزنامہ دنیا ایپ انسٹال کریں
