ڈی سی گجرات کاسبزی و فروٹ منڈی کادورہ ،نیلامی کی نگرانی
گجرات(نامہ نگار ،سٹی رپورٹر)ڈپٹی کمشنر صفدر حسین ورک نے علیٰ الصبح سبزی و فروٹ منڈی گجرات دورہ کیا۔۔
، ڈپٹی کمشنر نے منڈی کے مختلف حصوں میں صفائی کی صورتحال کا جائزہ لیااور نیلامی کے عمل کی نگرانی کی۔ڈپٹی کمشنر نے کہا کہ نیلامی کے عمل کو شفاف رکھنے کیلئے سبزی و فروٹ منڈیوں کی مسلسل نگرانی کی جارہی ہے ، اسسٹنٹ کمشنرز، ریونیو افسر روزانہ کہ بنیاد پر سبزی و فروٹ منڈیوں میں نیلامی اور ریٹ لسٹوں کے اجراء کے عمل کی نگرانی کررہے ہیں، بوگس بولی دینے والے آڑھتی حضرات کے سخت خلاف کارروائی کی جائے گی،ڈپٹی کمشنر صفدر حسین ورک نے کہا کہ ریٹ لسٹوں کا اجراء بروقت کیا جائے مارکیٹ کمیٹی کے افسران مارکیٹ کی مسلسل نگرانی کریں، ڈیمانڈ کے مطابق اشیاء خوردونوش کی فراہمی یقینی بنائی جائے ، دکاندار حضرات ریٹ لسٹ نمایاں مقامات پر آویزاں کریں اور ضلعی انتظامیہ کی طرف سے مقرر کردہ نرخوں پر اشیاء خوردونوش کی فروخت کریں، مقرر کردہ نرخوں سے زائد وصولی کرنے والے افراد کے خلاف سخت کارروائی عمل میں لائی جارہی ہے ، ان پر بھاری جرمانہ عائد اور مقدمات درج کروائے کروائے جارہے ہیں، مصنوعی مہنگائی و ذخیرہ اندوزی کی کسی فرد کو اجازت نہیں دی جائے گی، پرائس کنٹرول مجسٹریٹس باقاعدگی سے مارکیٹس اور کاروباری مراکز کا دورہ کررہے ہیں ، ضلعی انتظامیہ کی طرف سے جاری کردہ نرخوں پر اشیا خورونوش کی فروخت پر ہر صورت عملدرآمد یقینی بنایا جائے ، کسی کی غفلت و کوتاہی برداشت نہیں کی جائے گی۔
