کامیابی اللہ کے کرم‘عوامی دعاؤں کی بدولت:عطا رؤف
گوجرانوالہ(نیوز رپورٹر)سپریم کورٹ بار ایسوسی ایشن کے نو منتخب صدر میاں عطا رؤف ایڈووکیٹ کا کامیابی کے بعد آبائی گھر راہوالی پہنچنے پر شاندار استقبال۔
،ن لیگی ایم این نے شازیہ فرید نے وفد کے ہمراہ خوش آمدید کہا اور ہار پہنائے ،استقبال کرنے والوں میں محمود حیدر بٹ، عثمان اختر چیمہ ایڈوکیٹ ،علی چھینہ ایڈووکیٹ اور دیگر بھی شامل تھے ۔اس موقع پر گفتگو کرتے ہوئے میاں رؤف عطاء نے کہا کہ ان کی کامیابی اللہ کے خاص کرم اور پاکستانی عوام کی دعاؤں کی بدولت ممکن ہوئی عوام سے اپیل ہے کہ اللہ کے حضور دعا کا سلسلہ جاری رکھیں کہ وہ ہمیں ملک کو قوم کی بہتر خدمت کرنے کی توفیق اور استقامت بخشے شازیہ فرید نے گفتگو کرتے ہوئے کہا کہ 26ویں آئینی ترمیم میثاق جمہوریت کا اہم جز تھا ۔جو سیاسی قیادت کی بصیرت اور باشعور وکلا برادری کے تعاون کی بدولت پایہ تکمیل کو پہنچ گئی ہے ، انہوں نے کہا کہ عدلیہ میں اصلاحات سے منتخب حکومتوں کو عدالتی آرڈر سے ہٹانے اور انتظامی امور میں بے جا مداخلت کا سلسلہ بند ہوگا اور انصاف کی راہ میں حائل رکاوٹیں بھی دور ہوں گی۔
