ڈسکہ :دھواں چھوڑنے والی گاڑیوں، ٹرکوں کی بھر مار
ڈسکہ(نامہ نگار ) ڈسکہ شہر و مضافات میں دھواں چھوڑنے والی گاڑیوں، ٹرکوں کی بھر مار طلبہ، نوجوان، بزرگ سانس کی بیماریوں، دیگر امراض میں مبتلا ہونے لگے ڈسکہ کی سٹرکوں پر دھواں چھوڑنے والی گاڑیوں ٹرکوں اور رکشوں کی بھر مار ہوگئی۔۔۔
شہر بھر میں چلنے والی گاڑیاں کالا دھواں چھوڑنے لگیں، سکول جانے والے بچے ، نوجوان بزرگ شہری سانس کی مختلف بیماریوں سمیت دیگر امراض میں مبتلا ہونے لگے ، سموگ کے خاتمہ کے دعوے کر نیوالے فوٹوسیشن اجلاسوں تک محدود ہو کر رہ گئے ۔جبکہ ڈسکہ اور دیہاتوں کی سٹرکوں پر دھواں چھوڑتی گاڑیوں،ٹرکوں اور رکشوں میں روز بروز اضافہ ہورہا ہے ۔ شہر میں چلنے والی گاڑیاں کالا دھواں چھوڑ رہی ہیں۔سکول جانیوالے بچوں سمیت دیگر شہری دھواں چھوڑنے والے رکشوں، ٹرکوں اور گاڑیوں کے کالے دھویں سے متاثر ہوئے بغیر نہیں رہ سکتے ۔ شہریوں نے بڑھتی سموگ اور آلودگی پر قابو پانے کیلئے سخت اقدامات اٹھانے کی اپیل کی ہے ۔
