سیالکوٹ:شراب اور 7کلو چرس برآمد،7 افراد گرفتار
سیالکوٹ(ڈسٹرکٹ رپورٹر )بیس بوتل شراب اور سات کلو کے قریب منشیات برآمد کرکے سات افراد کو گرفتار کرلیا گیا۔
تفصیلات کیمطابق تھانہ کینٹ کے علاقہ سے پولیس نے دوران گشت ایک شخص راشد عرف موچھا سے 2کلو110گرام چرس، تھانہ حاجی پورہ کے علاقہ سے انصر سے 20بوتل شراب، تھانہ اگوکی کے علاقہ سے انعام اﷲ سے 540گرام چرس، تھانہ سبز پیر کے علاقہ جوئیاں سے محمد نوید سے 570گرام چرس، تنویر نذیر سے ایک کلو760گرام چرس، تھانہ پھلورہ کے علاقہ سے عمر زبیر سے 560گرام چرس اور تھانہ بڈیانہ کے علاقہ سے عباس سے ایک کلو150گرام چرس برآمد کرکے انہیں گرفتار کیا اور مقدمات درج کرکے تفتیش شروع کردی۔
روزنامہ دنیا ایپ انسٹال کریں
