گیپکو کے 132 کے وی گرڈ سٹیشن پرآگ لگ گئی
گوجرانوالہ(سٹی رپورٹر) گیپکو کے 132 کے وی کالج روڈ گرڈ سٹیشن پرآگ لگ گئی گرڈ سٹیشن جھلس گیا دھماکے کی آواز سن کر افسران اور۔
گردوانواح کے شہری خوفزدہ ہوگئے آگ کے باعث 132 کے وی گرڈ سٹیشن کے 35 فیڈر پر بجلی کی فراہمی معطل ہوگئی جس سے شہر کا نصف حصہ سارا دن بجلی سے محروم رہا،گیپکو چیف کی ہدایت پر متاثرہ پاور ٹرانسفارمر کی ہنگامی بنیادوں پر تبدیلی کے لیے گیپکو کے سینئر افسران اور آپریشن، جی ایس او اور جی ایس سی کی ایمرجنسی ٹیموں نے موقع پر پہنچ کر کام شروع کردیااور 3 سے 4 گھنٹوں میں متاثرہ پاور ٹرانسفارمر کے علاوہ باقی گرڈ سٹیشن کی بجلی بحالی کا دعویٰ کیا لیکن 10 گھنٹے بعد بجلی کی بحالی شروع ہوسکی، گیپکو ذرائع کے مطابق متاثرہ پاور ٹرانسفارمر سے نکلنے والے دیگر 7 عدد 11 کے وی فیڈرز کی بجلی بھی بحال کر دی جائے گی،132کے وی گرڈ کے پاور ٹرانسفارمر پر اچانک آتشزدگی ہونے کی وجہ سے 132کے وی کالج روڈ گرڈ سٹیشن کے 35 نمبر فیڈرز متاثر ہوئے ہیں جن کی فوری بحالی کیلئے گیپکو سٹاف مصروف عمل ہے ۔
