راولپنڈی :ڈکیتی، چوری ، راہزنی میں ملوث14 ملزم گرفتار
راولپنڈی(آئی این پی)بنی پولیس نے ڈکیتی، چوری ، راہزنی میں ملوث 3رکنی گینگ کو گرفتار کرکے شہریوں سے چھینے اور چرائے گئے 6موٹر سائیکل برآمدکرلیے ۔
ملزمان میں سلیمان، عبدالقادر اور عمر شامل ہیں، ملزمان سے چھینی گئی رقم 10 ہزار 500 روپے اور اسلحہ بھی برآمد ہوا۔ مورگاہ پو لیس نے سٹریٹ کرائم اور بائیک لفٹنگ میں ملوث 3 رکنی گینگ کو گرفتارکرکے 2 مسروقہ موٹر سائیکل، 43 ہزار روپے اور اسلحہ برآمد کرلیا ۔ ملزمان میں محمد حق، اسد اور باشی خان شامل ہیں۔ ریس کورس پولیس نے ڈکیتی کی وارداتوں میں ملوث گینگ کے 2 ملزمان سے مزید مسروقہ رقم 30 ہزار روپے برآمدکرلئے ، ملزمان عبد الواحد اور زین سے قبل ازیں مسروقہ رقم 1 لاکھ 69 ہزار روپے اور اسلحہ برآمد کیا گیا تھا۔ پیرودہائی پولیس نے نعمان سے پستول، ایئر پورٹ پولیس نے حمزہ سے پستول ، ٹیکسلا پولیس نے نذیر سے پستول ، واہ کینٹ پولیس نے طاؤس سے پستول، گوجر خان پولیس نے عمیر سے پستول، جاتلی پولیس نے گل بدین سے ایک رائفل برآمد کی ۔ تمام مقدمات در ج کر لیے گئے ۔
