تین روزہ پاکستان لرننگ فیسٹیول اسلام آباد میں شروع
اسلام آباد(ایجنسیاں )وفاقی وزارت تعلیم و پیشہ ورانہ تربیت اور نیشنل بک فاؤنڈیشن کے زیر اہتمام تین روزہ پاکستان لرننگ فیسٹیول جمعہ کو اسلام آباد کالج برائے طلبا ( آئی سی بی) جی 6/3 میں شروع ہو گیا۔
وفاقی وزیر تعلیم خالد مقبول صدیقی مہمان خصوصی تھے جبکہ وزیر منصوبہ بندی ترقی و اصلاحات پروفیسر احسن اقبال،سیکرٹری تعلیم محی الدین احمد وانی اور وزارت تعلیم کے ذیلی اداروں کے اعلیٰ حکام کے علاوہ اساتذہ اور طلبہ کی ایک بڑی تعداد افتتاحی تقریب میں شر یک تھی۔ وفاقی وزیر تعلیم نے فیسٹیول میں لگائے گئے مختلف سٹالز کا دورہ کیا ، ا نہوں نے کہا وزارت تعلیم ملک میں معیاری تعلیم کے فروغ کے لیے مختلف اقدامات کر رہی ہے اور یہ فیسٹیول ان اقدامات کا حصہ ہے ۔ سیکرٹری تعلیم محی الدین احمد وانی نے بتایا کہ یہ پاکستان کی تاریخ کا سب سے بڑا تعلیمی فیسٹیول ہے ، پہلے روز 20 سے 25 ہزار طلبہ اس میں شرکت کر چکے ہیں۔
