پولیس بھرتی کا عمل میرٹ پر مکمل کیا جائے:آئی جی اسلام آباد
اسلام آباد(خصوصی رپورٹر)انسپکٹر جنرل اسلام آباد سید علی ناصر رضوی کی زیر صدارت اجلاسوں میں جاری بھرتی کے عمل کا جائزہ لیا گیا۔
انہوں نے بھرتی کا عمل شفافیت اور میرٹ پر جلد از جلد مکمل کرنے کے احکامات دیئے اور کہا جذبہ خدمت سے سرشار پڑھے لکھے نوجوانوں کو پولیس فورس کا حصہ بنائیں تاکہ شہریوں کے جان و مال کی حفاظت یقینی بنانے سمیت تمام سہولیات مہیا کی جاسکیں۔ آئی جی نے سیف سٹی اسلام آباد کی کارکردگی کا بھی جائزہ لیا، ڈی جی سیف سٹی نے مجموعی طور پر سیف سٹی کمانڈ اینڈ کنٹرول سنٹر کی کارکردگی کے بارے میں آگاہ کیا، آئی جی اسلام آباد نے کہا سیف سٹی کی استعداد کار کو بڑھایا جائے اور انویسٹی گیشن ونگ کو زیادہ سے زیادہ تکنیکی معاونت فراہم کی جائے۔
روزنامہ دنیا ایپ انسٹال کریں
