فیملی کو ہراساں کرنے پر 3 ڈولفن اہلکار نوکری سے برخاست

اسلام آباد (دنیا نیوز) کار سوار فیملی کو ہراساں کرنے پر 3 ڈولفن اہلکاروں کو نوکری سے برخا ست کر دیا گیا۔۔۔
ڈولفن اہلکاروں کے سیکٹر ایف الیون میں کار سوار فیملی کو ہراساں کرنے پر ڈی آئی جی اسلام آباد نے نوٹس لیا، ترجمان اسلام آباد کے مطابق ڈولفن اہلکاروں عاقب، علی حیدر اور طلحہ کو نوکری سے برخاست کر دیا گیا۔ پولیس ڈولفن اہلکاروں نے دوران چیکنگ کار سوار فیملی کو ہراساں کیا تھا، پولیس اہلکاروں سے متعلق شکایت موصول ہونے پر انہیں معطل کرکے انکوائری کا حکم دیا گیا تھا، انکوائری میں قصور وار پائے جانے پر اہلکاروں کو نوکری سے برخاست کیا گیا۔