دنیا کو کشمیری عوام کی قربانیوں کا احساس کرنا چاہئے، مشال ملک
اسلام آباد (این این آئی) حریت رہنما یاسین ملک کی اہلیہ اور پیس اینڈ کلچر آرگنائزیشن کی چیئرپرسن مشال حسین ملک نے کہا کہ دنیا کو کشمیری عوام کی قربانیوں کا احساس کرنا چاہئے، اقوام متحدہ آج تک بھارت کو کٹہرے میں کیوں نہ لاسکی۔
مشال ملک نے ایکسپریس چوک میں یوم یکجہتی کشمیر ریلی کی قیادت کی، ریلی میں سول سوسائٹی، طلباء اور شہریوں کی بڑی تعداد شریک تھی۔ ریلی کے شرکا نے پاکستانی اور کشمیری پرچم اٹھا رکھے تھے۔ اس موقع پر میڈیا سے گفتگو کرتے ہوئے مشال ملک نے کہاکہ وہ پوری کشمیری قوم کو سلام پیش کرتی ہیں، انہوں نے کہاکہ شہدا کا خون کبھی رائیگاں نہیں جائے گا اور ان کی قربانیوں نے کشمیری عوام کے حوصلے مزید بلند کر دئیے ہیں، بھارت نے کشمیریوں کے گھروں پر ناجائز قبضہ کر رہا ہے اور عالمی برادری کو بیدار ہونے کی ضرورت ہے۔
روزنامہ دنیا ایپ انسٹال کریں
