موسمیاتی تبدیلی سے نمٹنے کیلئے کلا ئمیٹ ٹاسک فورس بنانیکا اعلان
اسلام آباد(سٹاف رپورٹر)وزیراعظم کی معاون برائے موسمیاتی تبدیلی رومینہ خورشید عالم نے ماحولیاتی اقدامات کو فروغ دینے، موسمیاتی تبدیلی سے نمٹنے اور عوامی شراکت داری بڑھانے کے لیے رضاکاروں پر مشتمل کلائمیٹ ٹاسک فورس بنانے کا اعلان کر دیا۔
یہ اعلان انہوںنے اسلام آباد میں یوتھ لیڈرز سوسائٹی پاکستان کے پانچ رکنی وفد سے ملاقات کے دوران کیا۔ رومینہ خورشید عالم نے کہا کہ رضاکار آگاہی بڑھانے اور موسمیاتی اقدامات کے لیے وکالت کرنے میں اہم کردار ادا کر سکتے ہیں ،ملاقات میں موسمیاتی تبدیلی سے نمٹنے میں نوجوانوں اور رضاکاروں کے کردار پر تبادلہ خیال کیا گیا۔
روزنامہ دنیا ایپ انسٹال کریں
