حکام خام چینی درآمد کے اثرات کی تحقیق کریں:وزیر غذائی تحفظ
اسلام آباد(نامہ نگار)وفاقی وزیر برائے غذائی تحفظ رانا تنویر حسین نے کہا خام چینی کی درآمد ملکی سفید چینی کی قیمتوں کے استحکام میں مددگار ثابت ہو سکتی ہے، حکام خام چینی کی درآمد کے اثرات کی جامع تحقیق کریں۔
ان خیالات کا اظہار انہوں نے وزیراعظم کی تشکیل کردہ خام چینی کی درآمد پر کمیٹی کے اجلاس کی صدارت کرتے ہوئے کیا، وزیر پٹرولیم علی پرویز ملک، وزیر صنعت ہارون اختر نے بھی شرکت کی۔ کمیٹی نے خام چینی کی درآمد کے فوائد، افادیت اور ممکنہ خدشات پر تفصیلی تبادلہ خیال کیا، مختلف ممالک کے ماڈلز کا جائزہ لیا گیا۔ رانا تنویر حسین نے متعلقہ حکام کو ہدایت کی کہ وہ خام چینی کی درآمد کے اثرات اور اس کے طریقہ کار پر جامع تحقیق کریں تاکہ مقامی کاشتکاروں اور معیشت پر اس کے اثرات کو سمجھا جا سکے۔
روزنامہ دنیا ایپ انسٹال کریں
