اوگرا کا آئل سپلائی چین کی ڈیجیٹلائزیشن کے دوسرے مرحلے کا آغاز
اسلام آباد(نامہ نگار) اوگرا نے آئل سپلائی چین کو ڈیجیٹل بنانے کے فلیگ شپ منصوبے کے دوسرے مرحلے کا آغاز کر دیا ہے ۔
بدھ کو ترجمان اوگرا کی طرف سے جاری بیان کے مطابق یہ جامع ٹریک اینڈ ٹریس سسٹم پنجاب انفارمیشن ٹیکنالوجی بورڈ کے تعاون سے متعارف کرایا گیا ہے ۔اس منصوبے کے تحت پٹرولیم مصنوعات کی ترسیل کے مکمل نظام کو ڈیجیٹل بنایا جا رہا ہے جس میں ریفائنریوں اور درآمدی ٹرمینلز سے لے کر سٹوریج ڈپوز، آئل ٹینکرز اور ریٹیل آؤٹ لیٹس تک تمام مراحل کو ڈ یجیٹلائز کیا جا ئیگا ،نئے نظام میں ای آر پی پلیٹ فارمز، جی پی ایس ٹریکنگ اور مرکزی ڈیش بورڈز کا استعمال کیا جائے گا تاکہ ایندھن کی ترسیل کی بروقت نگرانی ممکن ہو ۔اس وقت ملک کی 29 سے زائد آئل مارکیٹنگ کمپنیاں(او ایم سیز) ای آر پی سسٹمز پر کام کر رہی ہیں جبکہ تقریبا ً 15,000 آئل ٹینکرز پہلے ہی جی پی ایس ٹریکرز سے لیس کئے جا چکے ہیں۔
