اسلام آباد میں سرچ آپریشن، 40مشتبہ افراد تھانے منتقل
اسلام آباد (خصوصی رپورٹر) اسلام آباد پولیس نے تھانہ ترنول اور تھانہ گولڑہ کے مختلف علاقوں میں سرچ آپریشن کے دوران 170افراد، 80گھروں، 63موٹرسائیکلوں اور 16گاڑیوں کو چیک کیا، دوران سرچ آپریشن 40مشتبہ افراد کو تھانے منتقل کیا گیا۔
ڈی آئی جی اسلام آ باد محمد جواد طارق نے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنا اور شہر بھرمیں سکیورٹی کو موثر بنانا ہے۔ سرچ آپریشنز ضلع بھر کے مختلف علاقوں میں کیے جارہے ہیں، اسلام آباد پولیس کا جرائم پیشہ عناصر، قبضہ مافیا اور منشیات فروشوں کیخلاف بلاتفریق کارروائیوں کا سلسلہ جاری رہے گا۔
روزنامہ دنیا ایپ انسٹال کریں
