سٹیل انڈسٹری کی بحالی اولین ترجیح : معاون خصوصی صنعت
اسلام آباد (وقائع نگار) وزیراعظم کے معاون خصوصی صنعت و پیداوار ہارون اختر خان سے سیانا گروپ USAکے چیئرمین اشرف قاضی اور نیشنل سٹیل کمپلیکس لمیٹڈ کے چیئرمین نے ملاقات کی۔
ملاقات میں پاکستان سٹیل ملز کی بحالی، باہمی کاروباری تعاون، پاکستان میں سرمایہ کاری کے مواقع، اور آئرن کی برآمدات کے امکانات پر تفصیلی بات چیت ہوئی۔ ہارون اختر خان نے زور دیا کہ پاکستان میں آئرن اور سٹیل کے شعبے میں بے پناہ مواقع موجود ہیں اور سٹیل انڈسٹری کی بحالی حکومت کی اولین ترجیح ہے۔ انہوں نے یقین دہانی کرائی کہ حکومت سرمایہ کاروں کو ہر ممکن سہولیات فراہم کرنے کیلئے پرعزم ہے اور غیر ملکی و مقامی سرمایہ کاری کی حوصلہ افزائی کیلئے تمام ضروری اقدامات کیے جا رہے ہیں۔ حکومت سرمایہ کار دوست ماحول بنانے کیلئے عملی اقدامات اٹھا رہی ہے۔
روزنامہ دنیا ایپ انسٹال کریں
