دعوتِ اسلامی اور پی ایچ اے کے زیراہتمام شجرکاری تقریب
راولپنڈی(نیوزرپورٹر) گزشہ روز دعوتِ اسلامی کی تنظیم ایف جی آر ایف اور پی ایچ اے راولپنڈی کے تعاون سے علامہ اقبال پارک میں شجرکاری تقریب کا انعقاد کیا گیا۔
مہمانِ خصوصی ڈی جی پی ایچ اے راولپنڈی احمد حسن رانجھا تھے ،اس کے علاوہ راولپنڈی چیمبر آف کامرس اور دعوتِ اسلامی کی اہم شخصیات نے بھی تقریب میں شرکت کی۔ ڈی جی پی ایچ اے احمد حسن رانجھا نے کہا ماحولیات کو عوام دوست بنانے کے لئے درخت لگانا ایک قومی فریضہ ہے ،ہمیں اپنے علاقوں ،شہروں ،گلی محلوں کو آلودگی سے اور موسمیاتی تبدیلیوں سے بچانے کے لئے شجرکاری کو عام کرنے کی اشد ضرورت ہے ۔ دیگر دینی جماعتوں کو بھی شجرکاری کیلئے میدانِ میں آنا چاہئے ،بعد ازاں علامہ اقبال پارک میں پودا لگا کر شجرکاری مہم کاافتتاح کیا گیا ۔
روزنامہ دنیا ایپ انسٹال کریں
