پولیس افسران کارکردگی بہتر بنائیں، ایس ایس پی انویسٹی گیشن
اسلام آباد (خصوصی رپورٹر) سینئر سپرنٹنڈنٹ آ ف پولیس انویسٹی گیشن محمد عثمان طارق بٹ نے سنگین جرائم کے زیر تفتیش مقدمات کے حوالے سے پولیس افسران کے ساتھ اجلاس کیا۔
جس میں ایس پی انڈسٹریل ایریا زون، ایس ڈی پی اوز، ایس ایچ اوز اور تفتیشی افسران نے شرکت کی، اس موقع پر ایس ایس پی انویسٹی گیشن نے راہزنی اور دیگر سنگین جرائم کے زیر تفتیش مقدمات کا جائزہ لیا۔ انہوں نے کہا افسران اپنی کارکردگی کو مزید بہتر بنائیں، سنگین جرائم میں ملوث ملزمان کی گرفتاری یقینی بنائی جائے۔ تفتیش کو میرٹ پر یکسو کرکے ٹھوس شواہد کے ساتھ چالان مجاز عدالتوں میں بھجوائیں اور مجرموں کو زیادہ سے زیادہ عدالتوں سے سزائیں دلوائیں۔
روزنامہ دنیا ایپ انسٹال کریں
