نیوز الرٹ
  • بریکنگ :- ٹوبہ ٹیک سنگھ:جھنگ روڈپردوموٹرسائیکلوں میں ٹکر،ریسکیوذرائع
  • بریکنگ :- حادثےمیں2افرادجاں بحق،ایک زخمی،اسپتال منتقل،ریسکیوذرائع
Coronavirus Updates

عدالت کا مہران ٹائون الاٹیز کے خلاف کارروائی روکنے کا حکم

عدالت کا مہران ٹائون الاٹیز کے خلاف کارروائی روکنے کا حکم

دنیا اخبار

مذکورہ پلاٹس کی لیز منسوخ اور یوٹیلیٹی کنکشن منقطع کرنے سے بھی روک دیاگیا،ایس بی سی اے، کے ڈی اے کی کارروائیوں کیخلاف درخواست پر حکومت سے جواب طلب

کراچی (اسٹاف رپورٹر) سندھ ہائی کورٹ نے مہران ٹاؤن کورنگی میں مختلف فیکٹریوں کے خلاف سندھ بلڈنگ کنٹرول اتھارٹی (ایس بی سی اے) کی کارروائیوں کے خلاف دائر درخواستوں پر ایس بی سی اے اور کراچی ڈیولپمنٹ اتھارٹی (کے ڈی اے) کو مہران ٹاؤن الاٹیز کے خلاف کارروائی سے روک دیا ۔ عدالت نے مذکورہ پلاٹس کو منہدم ، سربمہر ، لیز منسوخ اور درخواست گزاروں کے یوٹیلیٹی کنکشن منقطع کرنے سے بھی روک دیا ۔ عدالت نے سندھ حکومت کو 20 اکتوبر کے لئے نوٹس جاری کرتے ہوئے جواب طلب کر لیا ہے۔ بدھ کو جسٹس حسن اظہر رضوی پر مشتمل بینچ نے درخواستوں کی سماعت کی۔ درخواست گزاروں کے وکیل نے عدالت میں موقف اختیار کیا کہ کے ڈی اے نے تمام واجبات وصول کرنے کے بعد پلاٹس کا قبضہ درخواست گزاروں کو دیا تھا۔ کراچی ڈیولپمنٹ اتھارٹی نے بغیر کسی نوٹس کے عمارتوں کو منہدم کرنے کی کوشش کی ہے ۔ بعد ازاں عدالت نے سندھ حکومت کو نوٹسز جاری کرتے ہوئے سندھ بلڈنگ کنٹرول اتھارٹی اور کراچی ڈیولپمنٹ اتھارٹی کو مہران ٹاؤن الاٹیز کے خلاف کارروائی سے روکتے ہوئے مذکورہ پلاٹس کو منہدم ، سربمہر ،لیز منسوخ اور درخواست گزاروں کے یوٹیلیٹی کنکشن منقطع کرنے سے بھی روک دیا۔

Advertisement
روزنامہ دنیا ایپ انسٹال کریں