پاک فضائیہ کا اسکواڈرن لیڈر سرفراز احمد رفیقی شہید کو خراج عقیدت
کراچی(اسٹاف رپورٹر) پاک فضائیہ نے اپنے غازیوں اور شہدا کو خراج عقیدت پیش کرتے ہوئے 1965 کی جنگ کے ہیرو اسکواڈرن لیڈر سرفراز احمد رفیقی شہید سے متعلق ایک خصوصی پرومو جاری کیا ہے۔
اسکواڈرن لیڈر سرفراز احمد رفیقی شہید نے اپنے ساتھی ہوا بازوں کے ساتھ مل کر یکم ستمبر 1965 کی شام چھمب سیکٹر پر بیس ہزار فٹ کی بلندی پر دوران پرواز بھارتی فضائیہ کے چار حملہ آور طیاروں میں سے تین کو مار گرایا تھا۔ 6 ستمبر 1965ء کی شام انہیں بھارتی فضائی اڈے ہلواڑا پر حملہ آور ہونے کا حکم دیا گیا تاکہ لاہور کا دفاع کیا جا سکے۔ اس مشن میں سرفراز احمد رفیقی شہید نے اپنی فارمیشن کی پشت سے حفاظت کرتے ہوئے جام شہادت نوش کیا۔ انہیں اپنی شاندار کارکردگی و جرأت کے اعتراف میں حکومت پاکستان کی جانب سے ہلالِ جرأت اور ستارۂ جرأت کے اعزازات سے نوازا گیا۔
روزنامہ دنیا ایپ انسٹال کریں
