غلط معلومات کے انسداد کیلئے پی آئی ڈی کی ورکشاپ
کراچی (پ ر)پریس انفارمیشن ڈپارٹمنٹ (پی آئی ڈی)کراچی نے مختلف میڈیا اداروں سے تعلق رکھنے والے صحافیوں کے لیے دو روزہ ورکشاپ کا انعقاد کیا۔
ورکشاپ کا مقصد نہ صرف جعلی خبروں کا مقابلہ انسداد بلکہ اس کا مقصد صحافیوں کو ترقیاتی صحافت، میڈیا اخلاقیات کے بارے میں حساس بنانا اور ذمہ دارانہ رپورٹنگ کے ذریعے پاکستان کے مثبت امیج کو فروغ دینا تھا۔دو روزہ ورکشاپ کا آغاز کراچی میں ہوا اور وزارت اطلاعات و نشریات اسلام آباد پی آئی ڈی کے دیگر علاقائی دفاتر میں جعلی خبروں، میڈیا اخلاقیات وغیرہ پر اس طرح کی ورکشاپس اور سیمینارز کا انعقاد کرے گی۔ورکشاپ کے شرکاء فرضی خبروں کی تخلیق، اسباب اور اثرات کے بارے میں ذہن سازی اور انٹرایکٹو مشقوں میں مصروف تھے ۔ انہوں نے متفقہ طور پر تسلیم کیا کہ جعلی خبریں اور غلط معلومات ایک سنگین خطرہ ہیں اور ان سے حقائق کی جانچ پڑتال، اے آئی ٹولز، گوگل ریورس امیجنگ اور سورس کی شناخت کے طریقوں سے نمٹا جانا چاہیے ۔ورکشاپ میں تاریخی تناظر میں غلط معلومات اور جعلی خبروں پر تبادلہ خیال کیا گیا۔ عرب اسپرنگس، امریکی صدارتی انتخابات اور انڈین کرانیکلز کے کیس اسٹڈیز کا تجزیہ کیا گیا ۔
