سائٹ کو پانی کی فراہمی معمول کے مطابق جاری ہے ،واٹر کارپوریشن
کراچی(آن لائن)واٹر کارپوریشن حکام کے مطابق سائٹ صنعتی ایریا سمیت شہر بھر میں پانی کی فراہمی معمول کے مطابق جاری ہے اور۔۔۔
اس ضمن میں واٹر کارپوریشن انتظامیہ شہر بھر میں پانی کی فراہمی کو مزید بہتر بنانے کے لیے بھرپور اقدامات کر رہی ہے ، حکام نے بتایا کہ چار روز قبل دھابیجی پمپنگ اسٹیشن پر بجلی کے اچانک بریک ڈاؤن کے باعث 72 انچ قطر ایم ایس کی لائن نمبر پانچ اور شاہراہ پاکستان لالو کھیت ڈاک خانے پر ترقیاتی کام کے دوران پانی کی لائن متاثر ہوگئی تھی اور حب پمپنگ اسٹیشن پر انڈر گراؤنڈ کیبل برسٹ ہونے کے باعث پمپنگ اسٹیشن کی بجلی منقطع ہو گئی تھی جس کے باعث پانی کی فراہمی متاثر ہوئی تھی تاہم مرمت کا کام مکمل ہونے کے بعد اب صورتحال بہتر ہو گئی ہے اور اب سائٹ صنعتی ایریا سمیت شہر بھر میں پانی کی فراہمی معمول کے مطابق جاری ہے۔
روزنامہ دنیا ایپ انسٹال کریں
