سالڈ ویسٹ کے تحت ٹریفک قوانین کی ٹریننگ کاتیسرا سیشن
کراچی(اسٹاف رپورٹر)منیجنگ ڈائریکٹر سندھ سالڈ ویسٹ مینجمنٹ بورڈ سید امتیاز علی شاہ کی ہدایت پر ٹرک، ڈمپرڈرائیورز کو روڈ سیفٹی کے حوالے سے ٹریننگ کا آغازگزشتہ تین ہفتے سے جاری ہے۔
اس سلسلے میں ٹریفک قوانین کی ٹریننگ کاتیسرا سیشن ضلع وسطی میں ٹرک، ڈمپرڈرائیور ز کے لئے منعقدکیا گیا اور روڈ سیفٹی کے حوالے سے نجی کمپنیز کے ڈرائیوز کو ڈی آئی جی ٹریفک کے اسٹاف نے ٹریننگ فراہم کی۔ایگزیکٹو ڈائریکٹر آپریشن طارق نظامانی کی سربراہی میں ضلع وسطی میں گینسوکمپنی کے ڈرائیورز کے لئے تقریب میں ڈی آئی جی ٹریفک کے اسٹاف نے ملٹی میڈیا پر ٹریننگ فراہم کی۔دیگر تفصیلات میں فاسٹ ٹریک پر گاڑی نہ چلانے ، گاڑی کو ترپال سے کورکرنے ، ٹریفک قوانین کی پابندی کرنے کے حوالے سے ٹریننگ دی گئی۔اس موقع پر ای ڈی آپریشن طارق نظامانی نے اپنے خطاب میں کہا کہ ہمیں ایسے اقدامات کرنے چاہئے جس سے سڑکوں پر ٹریفک کی آمدورفت یا اسکوٹر پر آنے جانے والے شہری متاثر نہ ہوں۔ انہوں نے کہا کہ سالڈ ویسٹ کی تمام کمپنیز ڈرائیورز کے لائسنس اور پولیس ویری فکیشن سرٹیفکیٹ یقینی بنائیں، گاڑیوں کو صاف ستھرا رکھیں، ہر گاڑی پرواضح رجسٹریشن نمبرلگانے اور، رش کے ٹائم پر ٹرک، ڈمپر کی آمدو رفت کو محدود رکھنے کی بھی ہدایت کی۔
