پی آئی بی کالونی کی حدود میں وارداتیں معمول بن گئیں
کراچی (اسٹاف رپورٹر ) تھانہ پی آئی بی کالونی کی حدود میں بڑھتی ہوئی اسٹریٹ کرائم کی وارداتیں روز کا معمول بن گئیں، گزشتہ روز دن دیہاڑے ہونے والی واردات کی سی سی ٹی وی فوٹیج منظر عام پر آگئی۔
تفصیلات کے مطابق پی آئی بی کالونی میں واقع ہاشمی مسجد کے قریب دن دیہاڑے لوٹ مار کی واردات کی سی سی ٹی وی فوٹیج منظر عام پر آگئی، سی سی ٹی وی فوٹیج میں دو موٹر سائیکلوں پر سوار دو ملزمان کو گلی کا چکر لگاتے اور پھر گلی میں داخل ہوتے دیکھا جا سکتا ہے ، ملزمان نے مخالف سمت سے آنے والے پہلے ایک موٹر سائیکل سوار شہری کو لوٹا اور اس کے بعد جاتے ہوئے سامنے سے آنے والی ایک اور موٹر سائیکل سوار شہری کو اس کے گھر کے سامنے لوٹ لیا، ملزمان اطمنان سے واردات انجام دینے کے بعد فرار ہونے میں کامیاب ہوگئے ۔
روزنامہ دنیا ایپ انسٹال کریں
