گٹکا ماوا اور مضر صحت تیل بنانے والے گودام پر چھاپہ،دو ملزمان گرفتار
کراچی(اسٹاف رپورٹر)شاہ لطیف ٹاؤن میں پولیس کی خفیہ اطلاع پر کارروائی گٹکا ماوا اور مضر صحت تیل بنانے والے گودام پر چھاپہ،دو ملزمان کو گرفتار کرلیا گیا۔
پولیس کے مطابق گودام سے 100 لٹر سے زائد مضر صحت کوکنگ آئل، 200 کلو کتھا، 80 کلو سے زائد چھالیہ اور 6 کلو پیک شدہ گٹکا ماوا برآمد ہوا۔ملزمان گٹکا ماوا تیار کر کے مختلف علاقوں میں فروخت کرتے تھے ۔ملزمان نے گٹکا ماوا تیار کرنے والی جگہ کو کوکنگ آئل کا گودام ظاہر کیا ہوا تھا گودام پر تیار ہونے والا مضر صحت کوکنگ آئل بھی غیر قانونی طریقے سے تیار کر کے فروخت کیا جاتا تھا۔ ملزمان کی شناخت میر بخش اور پیر محمد کے نام سے ہوئی۔ملزم میر بخش اس نیٹ ورک کا سرغنہ تھا اور غیر قانونی کاروبار کو کوکنگ آئل کے نام سے چلا رہا تھا۔ملزمان نے دوران تفتیش مزید بتایا کہ ان کے نیٹ ورک میں مزید ساتھی بھی شامل ہیں،شاہ لطیف پولیس کی جانب سے گرفتار ملزمان کے خلاف قانونی کارروائی عمل میں لائی جارہی ہے اور مزید تفتیش جاری ہے ۔
