پروجیکٹ سائٹس سے تعمیراتی مواد ہٹانے کا حکم
کراچی(آن لائن )ڈائریکٹرجنرل سندھ بلڈنگ کنٹرول اتھارٹی عبدالرشید سولنگی کی جانب سے ڈسٹرکٹ ایسٹ میں زیرتعمیر پبلک سیل پروجیکٹس کی سائٹس کے دورے ۔
اس دوران متعلقہ افسران بھی ڈائریکٹر جنرل سندھ بلڈنگ کنٹرول اتھارٹی کے ہمراہ موجود رہے ۔تفصیلات کے مطابق حکومت سندھ کی خصوصی ہدایات پر ایس بی سی اے نے کیوآر کوڈ متعارف کروایا تھا جس کامقصدجاری تعمیراتی منصوبوں میں پلان کے تحت تعمیراتی منظوری اور خرید وفروخت کی اجازت سے متعلق عوام کوقبل از بکنگ مکمل تفصیلات سے آگاہی فراہم کرناہے جسے ایک بورڈ کی شکل میں پروجیکٹس سائٹس پرنصب کرنے پر بلڈرز وڈولپرز کو پابند کیا گیاہے تاکہ پروجیکٹ میں منظورکردہ پلان کے مطابق تعمیرات کے برخلاف اور الاٹیز و بلڈرز کے مابین بکنگ ولین دین سے متعلق قانونی معاہدوں کی خلاف ورزیوں کا ازالہ اور خاتمہ یقینی بنایا جائے .زیر تعمیر سائٹ سے تعمیراتی مواد (ڈیبریز )کو فوری ہٹانے کا حکم دیا گیا تھا۔ تاہم چند پروجیکٹس کے آگے تعمیراتی میٹریل ڈمپ کیا گیا جس کو ہٹانے کے لیے آج متعلقہ بلڈرز اور متعلقہ افسران کو سخت ہدایات جاری کر دی گئی ہیں بصورت دیگر ایسے پراجیکٹس کو سیل کر دیا جائے گا۔ تاہم اس سلسلے میں موصولہ خلاف ورزی سے متعلق عوامی شکایات کا ڈائریکٹر جنرل عبدالرشید سولنگی نے سخت نوٹس لیا ہے ۔ اس معاملے میں انہوں نے خود جاری پروجیکٹس کے اچانک دورے کیے اور اس دوران خلاف ورزی کرنے والے مختلف پروجیکٹس بلڈرز کو کیوآر کوڈ سے متعلق متنبہ بھی کیا گیا۔
