نادرا کی نئی سہولت بائیکرسروس کا آغازہوگیا

نادرا کی نئی سہولت بائیکرسروس کا آغازہوگیا

کراچی(مانیٹرنگ ڈیسک)نادرا نے شہر قائد میں بائیکرسروس کا آغازکردیا، نئی سہولت کے ذریعے شہری گھربیٹھے قومی شناختی کارڈ کے متفرق کاموں کے لیے استفادہ کرسکیں گے ۔۔

قومی شناختی کی اصل فیس کے علاوہ ایک ہزارروپے اضافی رقم وصول کی جائے گی۔ نادرا ریجنل ہیڈ آفس میں سادہ و پروقار تقریب کے دوران ڈی جی نادرا کراچی ریجن احتشام شاہد نے قومی شناختی کارڈز کی درخواستوں کی پراسیسنگ کے لئے درکار آلات پرمشتمل بائیک کی چابیاں بائیکرزکے حوالے کیں۔ ابتدائی طور پر نادرا حکام کی جانب سے شہریوں کے قومی شناختی کارڈزکی تجدید اورپتے اوردیگرتفصیلات کی تبدیلیوں کے لیے تین بائیکس متعارف کروائی گئی ہیں۔ پہلی مرتبہ نئے شناختی کارڈزبنوانے والے شہری اس سروس سے استفادہ حاصل نہیں کرسکیں گے ، ا نہیں پہلی مرتبہ قومی شناختی کارڈ کے حصول کے لیے نادراکے سینٹر آنا پڑے گا۔نادراحکام کے مطابق بائیک سروس میں مزید بائیکوں کی تعدادمیں آنے والے کچھ عرصے کے دوران بتدریج اضافہ کیا جائے گا۔کراچی کے علاوہ یہ سروس حیدرآباد اور میرپورخاص میں بھی دستیاب ہوگی۔ اس موقع پرمیڈیا سے گفتگومیں ڈی جی نادراکراچی ریجن احتشام شاہد کا کہناتھا کہ کراچی کے شہری نادرا کی ہیلپ لائن سے خود کو رجسٹرڈ کراسکتے ہیں، بائیکر سہولت سے نیاکارڈ نہیں بن سکے گا،البتہ پہلے سے بنے کارڈز کی تجدید سمیت دیگرسروسز سے استفادہ کیا جاسکے گا۔ ان کا کہنا ہے کہ نئی سروس سے ہرشہری استفادہ کرسکے گا۔

 

روزنامہ دنیا ایپ انسٹال کریں