جماعت اسلامی کاجمعے کو آئی جی آفس پر احتجاج کا اعلان
کراچی(آئی این پی)امیرجماعت اسلامی کراچی منعم ظفرخان کی زیر قیادت جمعرات کو ادارہ نورحق میں ذمہ داران کا اہم اجلاس ہواجس میں حق دو کراچی تحریک کے حوالے سے تفصیلی جائزہ لیا گیا۔۔۔
اور اس بات پر انتہائی افسوس کا اظہار کیا گیا کہ ہیوی ٹریفک،ڈمپرو ٹینکر کی ٹکر سے ہلاکتوں کی تعداد 200سے زائد ہوچکی ہیں، اسٹریٹ کرائمز کے حوالے سے دعویٰ کیا جارہا ہے کہ کم ہوئے ہیں ،اخباری اطلاعات کے مطابق رواں سال 3ماہ میں اسٹریٹ کرائمز کے 16ہزار سے زائد واقعات رپورٹ ہوئے ہیں ۔اجلاس میں امیرجماعت اسلامی پاکستان کی زیر قیادت حق دو عوام کوتحریک کی جدوجہد میں بجلی کی قیمتوں میں کمی کے حوالے سے اطمینان کا اظہار کیا گیا،راولپنڈی میں 14روزہ دھرنا دیا گیا تھا، کراچی میں بھی گورنر ہاؤس پر7روزہ دھرنا دیا گیا تھا جس کے نتیجے میں اب بجلی کی قیمتوں میں کمی کی گئی ہے تاہم قیمتوں میں مزید کمی کی جانی چاہیے ۔اجلاس میں طے کیا گیا کہ بڑھتے اسٹریٹ کرائمز و مسلح ڈکیتی کی وارداتیں، ہیوی ٹریفک سے ہلاکتوں کے حوالے سے 11اپریل بروز جمعہ شام 4بجے آئی جی آفس پر احتجاج کیاجائے گا۔ منعم ظفر نے عوام سے اپیل کی کہ حق دو کراچی تحریک کا حصہ بنیں۔ دریں اثنائمنعم ظفر نے ڈیفنس فیز 1میں ڈکیتی مزاحمت کے دوران 8سالہ بیٹے کے سامنے ڈاکوؤں کی فائرنگ سے جاں بحق ہونے والے اس کے والد عامر سلطان کے گھر جاکر ان کے اہل خانہ و لواحقین سے ملاقات اور مغفرت کی دعاکی۔
