جامعہ اردو کے ریٹائرڈ اساتذہ کے مسائل حل کیے جائیں، منعم ظفر
کراچی(اسٹاف رپورٹر)امیر جماعت اسلامی کراچی منعم ظفر خان سے ادارہ نور حق میں اردو یونیورسٹی کی آرگنائزنگ کمیٹی برائے ریٹائرڈ اساتذہ اور عمال کے ڈاکٹر توصیف احمد خان کی قیادت میں وفد نے ملاقات کی اور۔۔۔
وفاقی اردو یونیورسٹی کے ریٹائرڈ ملازمین کی 5 ماہ سے پنشن کی عدم ادائیگی اور 2017سے واجبات کی عدم ادائیگی کے حوالے سے آگاہ کیا۔ وفد میں ڈاکٹر سعید عثمانی،پروفیسر اصغر علی،پروفیسر مسعود احمدبھی موجود تھے۔ منعم ظفر خان نے کہاکہ جماعت اسلامی اردویونیورسٹی کے اساتذہ کے ساتھ ہے۔ انہوں نے وزیر اعظم اوروزیر تعلیم سے مطالبہ کیا ہے کہ اردو یونیورسٹی کے تمام ریٹائرڈ اساتذہ اور عمال کے مسائل کو فوری اورترجیحی بنیادوں پر طور پر حل کیے جائیں۔
روزنامہ دنیا ایپ انسٹال کریں
