یوم حقوق کشمیر و فلسطین بھر پور طریقے سے منایا جائیگا،منعم ظفر
کراچی (اسٹاف رپورٹر)امیر جماعت اسلامی کراچی منعم ظفر خان نے ادارہ نور حق میں پریس کانفرنس سے خطاب کرتے ہوئے کہا ہے کہ۔۔۔
امیر جماعت اسلامی پاکستان حافظ نعیم الرحمن کی اپیل پر 5اگست کو ملک گیریوم حقوق کشمیر و فلسطینکراچی میں بھی بھر پور طریقے سے منایا جائے گا، اسکولوں، کالجوں، گلی محلوں میں یونین کونسل اور ٹاؤن کی سطح پر ریلیاں اور تقریبات منعقد کی جائیں گی۔ اہل کشمیر و فلسطین سے بھر پور اظہار یکجہتی اور بھارت، اسرائیل گٹھ جوڑ بے نقاب کیا جائے گا۔ جماعت اسلامی کے تحتآؤکراچی سر سبز بنائیں شجر کاری مہمبھی تیزی سے جاری ہے ، شہر بھر میں بڑے پیمانے پر پودے اور درخت لگائے جائیں گے ، سندھ حکومت اور محکمہ پولیس شہریوں کی جان و مال کے تحفظ میں مکمل طور پر ناکام ہو گئے ہیں، مسلح ڈکیتی کی وارداتیں مسلسل بڑھ رہی ہیں، شہر میں موت کا رقص جاری اور ڈاکو دندناتے پھر رہے ہیں، رواں سال56افراد ڈاکوؤں کی گولیوں کا نشانہ بن کر اپنی زندگی گنوا بیٹھے ہیں جب کہ 514افراد ٹریفک حادثات کا شکار اور 154شہری خونی ہیوی ٹریفک کے ہاتھوں اپنی جان سے جا چکے ہیں لیکن سندھ حکومت اور پولیس کو صرف نئی نمبر پلیٹوں کی فکر ہے ، انہیں شہریوں کی جان و مال کے تحفظ سے کوئی غرض نہیں، نمبر پلیٹوں کو لسانی رنگ دینے کی کوشش کی جارہی ہے جسے ہم مسترد کرتے ہیں اور مطالبہ کرتے ہین کہ نئی نمبر پلیٹیں مفت فراہم کی جائیں۔
