بھارت عبرتناک شکست برداشت نہیں کرپارہا ، شاداب رضا
کراچی (اسٹاف رپورٹر )سربراہ پاکستان سنی تحریک شاداب رضا نقشبندی نے کہا ہے کہ بھارت کا آپریشن مہادیو دھوکہ اور فراڈ پر مبنی،اس کی کوئی حیثیت نہیں۔۔۔
بھارت پاکستان سے عبرتناک شکست برداشت نہیں کرپارہا ،اپنی خفت مٹانے کیلئے اوچھے ہتھکنڈیاستعمال کررہا ہے ،بھارت جھوٹے آپریشن کی آڑ میں بے گناہ کشمیریوں کا قتل کررہا ہے ،بھارت کے پاکستان میں دہشتگردی کے واضح ثبوت پوری دنیا پر عیاں ہوچکے ہیں۔اپنے بیان میں انہوں نے کہا کہ پاکستان میں بھارتی دہشتگردی کے واضح ثبوت موجود ہیں ،فیٹف کی بلیک لسٹ میں بھارت کو شامل کیا جائے ،عالمی سطح پر بھارت پر معاشی واقتصادی پابندیاں عائد کی جائیں۔انہوں نے کہا کہ بھارت پوری دنیا میں امن کیلئے خطرہ اور دہشتگرد ملک بن چکا ہے ،پاکستان کے آپریشن بنیان مرصوص نے بھارتی جنگی جنون کو زمین بوس کردیا ہے ،پاکستان کے عوام متحد اور پاک افواج کے ساتھ ہیں،پہلگام واقعہ مودی حکومت اور آر ایس ایس کا رچایا گیافلاپ ڈرامہ تھا،بھارت نے جارحیت کا راستہ اپنایا اور خود ہی جج،جیوری اور ایگزیکیوشن بن گیا،بھارت کو پوری دنیا میں سفارتی سطح پر ناکامی کا سامناکرنا پڑرہا ہے ،جھوٹے بناؤٹی آپریشن بھارتی مکروہ چہرے کو بے نقاب کررہے ہیں۔شاداب رضا نقشبندی نے کہا کہ پاکستان کی فوج اور عوام ملک کی سلامتی کیلئے جہاد کے جذبے سے سرشار ہیں،بھارت نے کوئی بھی حماقت کی طو منہ توڑ جواب دینے کیلئے تیار ہیں،اقوام متحدہ مقبوضہ کشمیر میں بھارتی مظالم کو روکنے کیلئے عملی اقدامات کرے ،پاک فوج کی قربانیوں پرقوم کو فخر ہے ۔
