غیرملکی شہریوں سے کریڈٹ کارڈ نمبرز ہتھیانے والا گروہ گرفتار
کراچی(آئی این پی)کراچی میں نیشنل سائبر کرائم انویسٹی گیشن ایجنسی ( این سی سی آئی اے ) نے جعلی کالز کے ذریعے غیر ملکی شہریوں سیکریڈٹ کارڈ نمبرز ہتھیانے والے 4 ملزمان گرفتار کرلیے ۔
نیشنل سائبر کرائم انویسٹی گیشن ایجنسی نے شارع فیصل پر غیر قانونی کال سینٹر کے خلاف کارروائی کے دوران ملزمان کو گرفتار کیا۔ترجمان نے بتایا کہ گرفتار ملزمان ایک غیرقانونی کال سینٹر چلا رہے تھے جہاں سے وہ بیرونِ ملک کالز کرکے غیر ملکی شہریوں سے ان کے کریڈٹ کارڈ نمبرز، کارپوریٹ وینچر کیپیٹل کوڈز، سوشل سکیورٹی نمبرز اور دیگر حساس معلومات حاصل کرتے تھے ۔ترجمان کے مطابق ملزمان کے خلاف مقدمہ درج کرلیا گیا ہے اور اس حوالے سے مزید تفتیش جاری ہے ۔
روزنامہ دنیا ایپ انسٹال کریں
