انڈومنٹ فنڈ کے تحت 230 کھلاڑیوں کیلئے مالی امدادکی منظوری
کراچی(مانیٹرنگ ڈیسک)سندھ حکومت نے انڈومنٹ فنڈ کے تحت 230 کھلاڑیوں کو ایک کروڑ 25 لاکھ روپے کی مالی امداد فراہم کرنے کی منظوری دے دی۔
سیکریٹری کھیل سندھ منور علی مہیسر کی زیر صدارت انڈومنٹ کمیٹی کے سالانہ اجلاس میں 30 مرحومین کھلاڑیوں کی بیواؤں کیلئے مالی امداد کی منظوری بھی دی گئی۔درخواست دہندگان میں ہاکی، فٹبال، باکسنگ، کوڈی کوڈی، ملھ پہلوانی سمیت دیگر کھیلوں سے تعلق رکھنے والے کھلاڑی شامل تھے ۔سیکریٹری کھیل سندھ منور علی مہیسر کا کہنا تھا کہ کھلاڑیوں کی بیوائیں بھی مالی امداد کیلئے درخواست جمع کروا سکتی ہیں۔
روزنامہ دنیا ایپ انسٹال کریں
