بلدیاتی ایکٹ 2024 جولائی میں نافذ کرنے پر غور
لاہور(عمران اکبر)پنجاب میں نیا لوکل گورنمنٹ ایکٹ 2024 حتمی مراحل میں پہنچ گیا، مسودہ تیار کر لیا گیا، وزیراعلٰی پنجاب کو بریفنگ دے دی گئی، جولائی میں بلدیاتی ایکٹ 2024 نافذ کرنے غور کیا گیا۔
تفصیلات کے مطابق کابینہ کمیٹی کو بلدیاتی ایکٹ 2024 کا مسودہ منظوری کے لئے بھجوا دیا گیا،میئرکا انتخاب جماعتی بنیادوں پر کرنے کی تجویز دے دی گئی۔مسودہ ایکٹ 2024 کے مطابق اربن رورل ایریاز کو مکمل تقسیم کرنے کی حد بندی کی جائے گی۔ڈویژنل ہیڈکوارٹرز میں میٹرو پولیٹن کارپوریشن بنائی جائیں گی۔ نئی مردم شماری کے مطابق بلدیاتی حلقہ بندی ہو گی ، 20ہزار سے کم آبادی میں یونین کونسل قائم ہوگی، لاہور میں یونین کونسلز تعداد 5سو زائد کرنے کی تجویز دے دی گئی۔سات لاکھ سے اوپر آبادی کیلئے میٹروپولیٹن کارپوریشن بنائی جائیں گی۔ پندرہ ہزار سے 50 ہزار آبادی تک ٹائون کمیٹی بنائی جائے گی، پچاس ہزار سے 2 لاکھ آبادی میں میونسپل کمیٹی بنائی جائے گی، دو لاکھ سے 5 لاکھ تک آبادی کیلئے میونسپل کارپوریشنز بنائی جائے گی۔ وزیر بلدیات ذیشان رفیق کا کہنا ہے کہ جتنا چھوٹا لوکل گورنمنٹ کا حجم ہوگا ،اتنے زیادہ نچلی سطح تک اختیارات منتقل ہونگے، نیا قانون ہر لحاظ سے جامع اور سابق ایکٹ سے مختلف ہوگا، کمیٹی ممبران کی بلدیاتی اداروں کی مدت چار سال مقرر کرنے کی تجویز ہے۔
