گیس بحران شدید ، ایل پی جی بھی مہنگی ہو کر نایاب
لاہور(اپنے کامرس رپورٹر سے)لاہور میں گیس کا بحران شدت اختیار کر گیا، بیشتر علاقے گیس سے محروم ہیں، جبکہ ایل پی جی بھی مہنگی ہو کر نایاب ہو گئی۔
گیس صارفین کا کہنا ہے کہ گیس کی غیر علانیہ لوڈ شیڈنگ کے باعث ناشتہ اور کھانا بنانا مشکل ہو گیا۔اندرون شہر، گڑھی شاہو، نسبت روڈ، گوالمنڈی، باٹا پور، فیروز پور روڈ کے ملحقہ علاقوں، کاہنہ، سبزہ زار، ہربنس پورہ، جوہر ٹاؤن، اچھرہ، سمن آباد، چوبرجی، رائے ونڈ روڈ کی آبادیاں، کوٹ عبدالمالک، شاہدرہ، سگیاں پل، شالیمار، ٹاؤن شپ ، لاہورکینٹ، گھوڑے شاہ، انجینئرنگ یونیورسٹی سے ملحقہ آبادیوں، گرین ٹاؤن، کوٹ لکھپت، ڈیفنس، مسلم ٹاؤن اور دیگر علاقوں میں گیس غائب ہے۔ صارفین کا کہنا ہے کہ شہر میں ایل پی جی بھی نایاب اور مہنگی ہو گئی، ایل پی جی کا سرکاری ریٹ 234 روپے ہے جو بازار میں 300 روپے کلو میں مل رہی ہے۔
روزنامہ دنیا ایپ انسٹال کریں
