حکومت پنجاب کا لاہور یوتھ فیسٹیول کرانے کا اعلان
لاہور(ایجوکیشن رپورٹر)حکومت پنجاب نے نوجوانوں میں صحتمندانہ سرگرمیوں کے فروغ کیلئے لاہور یوتھ فیسٹیول منعقد کرانے کا اعلان کر دیا، فیسٹیول 7 سے 9 نومبر تک جاری رہے گا۔
صوبائی وزرا فیصل ایوب کھوکھر اور رانا سکندر نے الحمرا میں مشترکہ پریس کانفرنس میں کہا لاہور بھر کے سرکاری و نجی تعلیمی اداروں کے طلبہ و طالبات یوتھ فیسٹیول میں حصہ لے سکیں گے ۔ جمناسٹک، فٹبال، رسہ کشی ، سرکس، پینٹنگ و دیگر ثقافتی سرگرمیوں کو بھی فیسٹیول کا حصہ بنایا گیا ۔ یوتھ فیسٹیول کے ٹرائل پنجاب سٹیدیم جبکہ فوٹریس سٹیدیم میں فائنل مقابلے ہوں گے۔