لاہور ایئرپورٹ پر کسٹم حکام کی کارروائی،ہیرے گھڑیاں اور دیگر اشیا سمگل کرنے کی کوشش ناکام
لاہور ( نیوز رپورٹر ) کسٹمز حکام نے لاہور ائیر پورٹ پر ہیرے ، گھڑیاں اور دیگر اشیا سمگل کرنے کی کوشش ناکام بنا دی ، دبئی سے لاہور پہنچنے والے مسافر خالد راشد کے بیگ کو مشکوک سمجھ کر تلاشی لی گئی ۔
بیگ سے 45 ہیرے ، 18 گھڑیاں اور دیگر اشیا برآمد کی گئیں جن کی مالیت 91 لاکھ روپے سے زائد ہے ۔مسافر خفیہ طریقہ سے لگژری آئٹمز کو بیگ میں چھپا کر سمگل کر رہا تھا، کسٹم ترجمان کا کہنا ہے کہ تمام اشیا قبضے میں لیکر مسافر کے خلاف مقدمہ درج کردیا گیا ہے ۔
روزنامہ دنیا ایپ انسٹال کریں
