بلھے شاہ روڈ پر بینکوں کے باعث ٹریفک جام معمول
قصور(خبرنگار، نمائندہ دنیا)بابا بلھُے شاہ روڈ پربینکوں کے باہر کھڑی موسائیکلوں کے باعث ٹریفک جام رہنا معمول بن گیا۔۔۔
کسی بھی بینک کی پارکنگ نہ ہونے کی وجہ سے دور دراز سے مزار پر آنے والے زائرین اور شہریوں کو گزرنے میں انتہائی مشکلات کا سامنا کرنا پڑتا ہے، شہریوں کا کہنا ہے کہ ریلوے روڈ پر کثیر تعداد میں بینک موجود ہیں، جہاں پر روزانہ ہزاروں کی تعداد میں لوگ ان بینکوں میں آتے ہیں اور ان بینکوں کی پارکنگ نہ ہونے کے باعث انہیں اپنی موٹرسائیکلیں اور گاڑیاں سڑک پر ہی پارک کرنا پڑتی ہیں،شہری ،فلاحی اور سماجی تنظیموں نے مطالبہ کیا ہے کہ تمام بینکوں کو اپنی پارکنگ بنانے کا پابند کیا جائے۔
روزنامہ دنیا ایپ انسٹال کریں
