مہم:22لاکھ 30ہزار بچوں کو پولیو قطرے پلائے گئے
لاہور(اپنے سٹی رپورٹر سے)کمشنر لاہور ڈویژن زید بن مقصود نے قومی انسداد پولیو مہم کے تیسرے روز شہر کے مختلف علاقوں داتا گنج بخش ٹاؤن، یو سی 94 شادمان میں مصروف کار پولیو فیلڈ ٹیموں کی کارکردگی کے حوالے سے جائزہ دورہ کیا۔
سی ای او ہیلتھ لاہور اور متعلقہ پولیو انچارجز نے پولیو مہم، ریکارڈ اور اپ ڈیٹ ڈیٹا پر بریفنگ دی۔ کمشنر لاہور نے کہا ہے کہ جاری پولیو مہم میں لاہور میں 5سال کی عمر تک کے 22لاکھ 30ہزار134بچوں کو پولیو قطرے پلانے کا ہدف ہے ، جس کے لئے 5825 موبائل پولیو ٹیمز، 371فکسڈ ٹیمز متحرک ہیں اور 214ٹرانزٹ پوائنٹس کو بھی ٹارگٹ کیا جارہا ہے ، ریلوے اور بس سٹیشنز پر بھی ٹیمیں تعینات ہیں۔انہوں نے خصوصی طور پر پولیو ٹیموں سے ایپ کے ذریعے ڈیٹا اپلوڈنگ، ریکارڈ رجسٹر اور انسداد پولیو مائکروپلان کیمطابق ابتک کی انٹریز کو چیک کیا۔ کمشنر لاہور نے والدین سے اپیل کی ہے کہ فیلڈ ٹیمیں جانفشانی سے ہر دروازے پر دستک دے رہی ہیں، 5 سال تک کی عمر کے بچوں کو پولیو قطرے پلوانا والدین کا قومی و انسانی فرض ہے ، پولیو زندگی بھر کی معزوری ہے ، اپنے بچوں کا تحفظ ہماری اولین ترجیح ہے ، شہری اور والدین مکمل تعاون کریں۔
