یوم پاکستان سے قومی یکجہتی کادرس ملتا ہے :راغب نعیمی
لاہور(سیاسی نمائندہ)چیئرمین اسلامی نظریاتی کونسل علامہ ڈاکٹر راغب حسین نعیمی نے کہا یوم پاکستان سے ہمیں قومی یکجہتی کادرس ملتا ہے۔
ملک و قوم کی سلامتی اور ترقی کیلئے تمام طبقات کو کردار ادا کرناہوگا۔ پاکستان ہم سب کیلئے اللہ تعالی کی عطا کردہ نعمت ہے ۔23مارچ ہمیں قیام پاکستان کے سنہری اغراض و مقاصد کی یاد دہانی کراتا ہے ۔ 23 مارچ ہمیں اتحاد، قربانی اور عزم کی تجدید کا درس دیتا ہے۔ یوم پاکستان پر سب کو قومی یکجہتی اور بھائی چارے کا عہد کرنا چاہیے اور باہمی اختلافات بھلا کر وطن عزیز کے مفادات کو مقدم رکھ کر ملکی ترقی و خوشحالی کیلئے متحد ہونا ہوگا۔برصغیر کے مسلمانوں کی طویل اور بہادرانہ جدوجہد اور قربانیوں کو اجاگر جس کے نتیجے میں پاکستان کو آزادی نصیب ہوئی۔علما سے گفتگو کرتے ہوئے انہوں نے مزید کہا پاکستان اس وقت مشکل صورتحال سے دوچار ہے ، بلوچستان کے حالات دور اندیشی پر مبنی اقدامات کے متقاضی ہیں۔معاشی چیلنجوں کا مقابلہ کرنے اور پاکستان کو ایک مستحکم اور خوشحال ملک بنانے کے لئے معاشرے میں اتحاد، رواداری اور ہم آہنگی کی ضرورت ہے ۔ یوم پاکستان مناتے وقت پوری قوم کی طرف سے تعمیر پاکستان کے عزم کی تجدید کرکے آپس کے اختلافات کو بھلا کرملکی ترقی اور خوشحالی کی جانب تیزی سے آگے بڑھنا اور دہشت گردی کے خاتمہ کیلئے مل کر کام کرنا ہوگا۔
