خواجہ عمران کے ہاتھوں آر ایچ سی گنڈا سنگھ والا بلڈنگ کا افتتاح
قصور(نمائندہ دنیا)وزیراعلیٰ پنجاب مریم نواز شریف ہدایت پر صوبائی وزیر صحت خواجہ عمران نذیر نے آر ایچ سی گنڈا سنگھ والاکی نئی بلڈنگ کا افتتاح کیا۔
اس موقع پر ان کے ہمراہ چیئرمین وزیراعلیٰ ضلعی مانیٹرنگ کمیٹی حاجی نعیم صفدر انصاری، ایم پی اے ملک احمد سعید خاں، ڈپٹی کمشنرعمران علی، چیف ایگزیکٹوآفیسر ہیلتھ اتھارٹی غلام مصطفی سحر، ایم ایس آر ایچ سی،ڈاکٹرز ودیگر افسر بھی موجود تھے ۔ ہسپتال کے افتتاح کے موقع پر صوبائی وزیر صحت نے ہسپتال کے مختلف شعبہ جات فارمیسی، ہیلتھ کیئر سنٹر، نرسری، زنانہ وارڈ، مردانہ وارڈ،جنرل وارڈ آپریشن تھیٹر، فارمیسی میں ادویات کے سٹاک چیک کو چیک کرنے سمیت وہاں پر مریضوں کو ملنے والی فری ادویات کی فراہمی کا جائزہ لیا،اس موقع پر صوبائی وزیرصحت خواجہ عمران نذیر نے کہا کہ وزیراعلیٰ پنجاب مریم نوازشریف کی ہدایات کے مطابق ہر جگہ اعلانات کروائے جائیں کہ تمام سرکاری ہسپتالوں میں مریضوں کو ادویات بالکل مفت فراہم کی جائیں گی جو بھی سرکاری ہسپتالوں میں ادویات کی بابت رقم یا باہر سے لانے کا کہے تو اُس کے خلاف فوری شکایت کے اندراج پر قانونی کارروائی عمل میں لائی جائے، آپریشن تھیٹر کے وزٹ کے دوران ڈاکٹر ماریہ نے صوبائی وزیر کو بریفنگ دیتے ہوئے بتایا کہ وزیراعلیٰ پنجاب مریم نوازشریف، ڈپٹی کمشنر عمران علی اور ہیلتھ اتھارٹی کی ہدایات پر رورل ہیلتھ سنٹرگنڈاسنگھ والامیں روزانہ کی بنیاد پر 50مریضوں کو مفت طبی سہولیات فراہم کی جارہی ہیں۔
