محکمہ داخلہ میں ڈائریکٹوریٹ آف مانیٹرنگ سیل کا قیام
لاہور (اے پی پی) محکمہ داخلہ پنجاب میں ڈائریکٹوریٹ آف مانیٹرنگ سیل قائم کر دیا گیا۔ ترجمان کے مطابق محکمہ جیل، سول ڈیفنس، ہائی وے پٹرول اور سکیورٹی کمپنیز سے متعلق شکایت کے ازالے کیلئے خصوصی ہیلپ لائن1124 قائم کر دی گئی۔۔۔
جبکہ عوام محکمہ جیل، شہری دفاع، ہائی وے پٹرول اور سکیورٹی کمپنی سے متعلق رہنمائی یا شکایت کی صورت میں 1124 پر کا ل کر سکتے ہیں ، اسی طرح کسی جگہ پر بم یا مشکوک اشیا نظر آنے پر ہیلپ لائن پر اطلاع کی سہولت بھی مہیا کر دی گئی ،پنجاب کی بڑی شاہراہوں پر دوران سفر مدد یا رہنمائی کیلئے پنجاب ہائی وے پٹرول سے رابطہ کا سسٹم قائم کر دیا گیا اورمسافر گاڑی کی خرابی، ڈکیتی یا کسی بھی ہنگامی صورت میں مدد کیلئے کال کر سکتے ہیں۔پبلک ٹرانسپورٹ پر اوورلوڈنگ اورغیر محتاط ڈرائیونگ کے بارے اطلاع پر فوری کارروائی ہوگی ، 1124 پر قیدیوں سے ملاقات یا ضروری سامان کی فراہمی میں دشواری کی صورت میں شکایت کا اندراج ممکن بنایا گیا ،جیل کے عملہ کے نامناسب رویے اور رشوت طلب کرنے پربھی شکایت کی جا سکتی ہے ،سکیورٹی گارڈز یا سکیورٹی کمپنیز سے متعلق ہیلپ لائن پر شکایات کا ازالہ فوری ممکن ہو گا اورسیکورٹی گارڈ کومقررہ اجرت سے کم تنخواہ ملنے کی شکایت پر کمپنی کیخلاف بھی کارروائی ہوگی،ایل پی جی گیس کی غیر قانونی فروخت یا منتقلی پر بھی ہیلپ لائن پر شکایت کا ازالہ ہوگا۔
