بجٹ تحفظات کا جائزہ لینے کیلئے کمیٹی کا قیام خوش آئند :اشرف بھٹی
لاہور(آئی این پی)آل پاکستان انجمن تاجران کے مرکزی صدر اشرف بھٹی نے کہا وزیر اعظم شہباز شریف کی جانب سے بجٹ پر سامنے آنے والے تحفظات کا جائزہ لینے کیلئے کمیٹی کا قیام خوش آئند ہے۔۔۔
وزیر اعلیٰ مریم نواز شریف کی قیادت میں ان کی معاشی ٹیم نے بہترین بجٹ پیش کیا ، تاجر کو شک کی نگاہ سے دیکھنے کے بجائے معیشت کاپارٹنر سمجھا جائے ۔ اپنے ایک بیان میں اشرف بھٹی نے کہا پنجاب حکومت نے 1200ارب سے زائد کا تاریخی ترقیاتی بجٹ پیش کیا، ضرورت اس امر کی ہے اس کی کڑی نگرانی کی جائے اور سہ ماہی بنیادوں پر عوام کواس کے استعمال کے اعدادوشمار اور منصوبوں کے پایہ تکمیل تک پہنچنے کی رفتار سے آگاہ کیا جائے۔
روزنامہ دنیا ایپ انسٹال کریں
