پولیس اہلکاروں کو سیلاب متاثرین کی امداد کی ہدایت
لاہور (کرائم رپورٹر) انسپکٹر جنرل پولیس پنجاب ڈاکٹر عثمان انور نے کہا ہے کہ پنجاب پولیس سیلاب سے متاثرہ علاقوں میں سیلاب زدگان کی امداد اور بحالی کیلئے کوشاں ہے۔
بارشوں کے ممکنہ نئے سپیل اور سیلابی صورتحال سے نمٹنے کیلئے پنجاب پولیس کی تیاریاں مکمل ہیں۔ پی ڈی ایم اے ، ضلعی انتظامیہ، سول ڈیفنس، ریسکیو اور سکیورٹی اداروں سے ہمہ وقت کوارڈینیشن میں ہیں۔ پنجاب پولیس کسی بھی ہنگامی صورتحال میں شہریوں کی جان و مال کی حفاظت یقینی بنائے گی۔ سیلاب متاثرین کی ریسکیو، ریلیف اور بحالی سرگرمیوں میں دیگر اداروں کے شانہ بشانہ ہیں۔ ترجمان پنجاب پولیس نے بتایا کہ پولیس افسران و اہلکار سیلابی ریلے سے متاثرہ رابطہ سڑکوں کی بحالی اور امدادی سرگرمیوں میں سرگرم ہیں۔ پنجاب پولیس کے اہلکار متاثرہ شہریوں میں کھانے پینے اور روزمرہ کی اشیا بھی تقسیم کر رہے ہیں۔
روزنامہ دنیا ایپ انسٹال کریں
