وزیر صحت کا سبزہ زار کادورہ، ڈاکٹروں کی کمی پربرہم
لاہور(اپنے سٹاف رپورٹر سے)صوبائی وزیر صحت پنجاب خواجہ عمران نذیر نے ٹی ایچ کیو ہسپتال سبزہ زار کا اچانک دورہ کیا-سی ای او ہیلتھ ڈاکٹر آصف نیازی، ایم ایس ڈاکٹر شعیب اور دیگر متعلقہ افسران بھی ہمراہ تھے۔
صوبائی وزیر صحت کا ہسپتال کے مختلف شعبوں کا معائنہ کیا -خواجہ عمران نذیر نے انتظامی معاملات کا جائزہ لینے کے ساتھ ساتھ ہسپتال میں داخل مریضوں سے گفتگو بھی کی- صوبائی وزیر نے ہسپتال کا فارمیسی اور صفائی ستھرائی کا جائزہ بھی لیا-ہسپتال انتظامیہ نے صوبائی وزیر کو تفصیلی بریفنگ دی- خواجہ عمران نذیر نے دوران معائنہ مریضوں سے مفت ادویات کی فراہمی بارے استفسار کیا -انہوں نے ڈاکٹروں کی کمی کی شکایت پر اظہار ناراضی کیا اور صوبائی وزیر نے ایڈیشنل سیکرٹری ڈویلپمنٹ سے رپورٹ طلب کر لی-ہسپتالوں پر پی ایچ ایف ایم سی سے ایک سالہ کارکردگی پر اجلاس بھی طلب کر لیا اور بلا معاوضہ ادویات کی فراہمی متعلق تواتر سے اعلانات کرانے کی ہدایت کی ۔وزیر اعلی ٰپنجاب مریم نواز شریف کی ہدایات پر ہسپتال میں کیتھ لیب جلد فعال کیا جائے گا- انہو ں نے ہدایت کی کہ ٹی ایچ کیو ہسپتال سبزہ زار میں ڈاکٹرز اور پیرا میڈیکل سٹاف کی کمی اور دیگر ضروریات کو جلد پورا کیا جائے۔ بہتری اور اصلاح کی گنجائش ہر جگہ ہمیشہ موجود رہتی ہے۔
