نجی یونیورسٹیاں: لیپ ٹاپ کیلئے پورٹل جلد اوپن کرنیکافیصلہ
پرائیویٹ یونیورسٹیوں کیلئے کرائیٹیریا بھی دوسرے طلبا والا ہی ہوگا:وزیر تعلیم
لاہور (خبر نگار)وزیر تعلیم رانا سکندر حیات نے تعلیم کے عالمی دن پر نجی یونیورسٹیوں کے طلبا کو لیپ ٹاپ سکیم میں شامل کرنے کا اعلان کرتے ہوئے کہا ہے کہ وزیر اعلیٰ پنجاب کی خصوصی ہدایت پر نجی یونیورسٹیوں کے طلبا کو بھی لیپ ٹاپ دیں گے ۔ انہوں نے کہا کہ نجی یونیورسٹیوں کیلئے لیپ ٹاپ اپلائی کرنے کیلئے پورٹل جلد اوپن کر رہے ہیں۔ پرائیویٹ یونیورسٹیوں کے طلبا کا کرائیٹیریا بھی پبلک سیکٹر کے طلبا والا ہی ہوگا۔ وزیر تعلیم نے کہا کہ گزشتہ 77 سالوں میں پرائیویٹ سیکٹر کو کسی سرکاری سکیم میں شامل نہیں کیا گیا۔ پچھلے 4 سالوں میں بھی لیپ ٹاپ، سکالرشپ سکیم جیسے اقدامات نہیں ہوئے ۔ مریم نواز نے پہلے ہی سال میں پبلک اور دوسرے سال میں نجی یونیورسٹیوں کے طلبا کو ایجوکیشن سپورٹ فراہم کی۔ انہوں نے مزید کہا کہ وزیر اعلیٰ پنجاب کے حالیہ اقدام کے بعد نجی یونیورسٹیوں کے طلبا بھی لیپ ٹاپ سکیم کے اہل ہوں گے ۔ اپنے ویڈیو پیغام میں رانا سکندر حیات کا کہنا تھا کہ ایجوکیشن ڈے پر لیپ ٹاپ سکیم کا اعلان نجی یونیورسٹیوں کے طلبا کیلئے بڑا تحفہ ہے ۔
