خانیوال و گردونواح میں نوجوان، کمسن بچے نسوار کی لت میں مبتلا
خانیوال(ڈسٹرکٹ رپورٹر،نامہ نگار)خانیوال شہر و گردونواح میں نوجوانوں کے ساتھ کمسن بچے بھی نسوار کے نشے کی لت میں مبتلا ہونے لگے۔۔
شہر بھر میں یہ زہر نسوار کے نام سے فروخت ہو رہا ہے جس سے متعدد بچے اور نوجوان موذی بیماریوں کا شکار ہو کر موت کے منہ میں جا چکے ہیں۔ شہریوں نے اعلی ٰ حکام سے مطالبہ کیاہے کہ نسوارکا نشہ نوجوان نسل میں تیزی سے پھیلنے لگا ہے ، اب تو کمسن بچے بھی اس لت میں مبتلا ہونے لگے ہیں۔ نسوار سے منہ کے کینسر کے علاوہ معدے کی بیماریاں بھی لاحق ہو جاتی ہیں۔نوجوان ان بیماریوں کیوجہ سے موت کے منہ میں جانے لگے ہیں۔ شہریوں نے ڈپٹی کمشنر خانیوال سمیت متعلقہ اعلیٰ حکام سے کارروائی کا مطالبہ کرتے ہوئے کہا ہے کہ کمسن بچوں کو نسوار بیڑا م سیگریٹ، گٹکا وغیرہ فروخت کرنے والوں پر پابندی عائد کی جائے تاکہ معصوم بچوں کو نشے جیسی لعنت سے محفوظ بنایا جا سکے ۔
