خانیوال،نسل نو کتابوں سے بیزار،سنوکر کلبوں کا رخ کرلیا
خانیوال(ڈسٹرکٹ رپورٹر ،نامہ نگار)نوجوان نسل نے کتابیں چھوڑ کر سنوکر کلبوں کی طرف رخ کر لیا۔۔۔
جگہ جگہ جوئے کے اڈے کھل گئے ، قانون نافذ کرنے والے اداروں کی پراسرار خاموشی سوالیہ نشان، بچے ، نوجوان جوئے کی لت کا شکار، رات12بجے تک کھلے عام جوئے اور منشیات کا بے دریغ استعمال ہونے لگا،آرپی او ملتان سے کارروائی کا مطالبہ۔ تفصیلات کے مطابق شہر بھر میں چوک جسونت نگر، احمد نگر، قلی بازار، منڈو چوک،پیپلز کالونی تین نمبر کالونی ودیگر مقامات پر چوک چوراہوں میں جگہ جگہ سنوکر کلب جوئے کے اڈوں کا روپ دھار چکے ہیں جہاں کھلے عام آوارہ، نوجوان لڑکے بچوں کو منشیات جوئے کی لت میں مبتلا ہورہے ہیں متعلقہ تھانوں کی پولیس تمام تر صورتحال سے واقف ہونے کے باوجود جوئے کے ان اڈوں کے مالکان کے خلاف کاروائی سے گریزاں ہے ۔ شہریوں نے آرپی او ملتان سے نوٹس لینے کا مطالبہ کیاہے ۔
