عوام کی ٹریفک قانون سے آگاہی کیلئے مہم تیز کی جائے ،سہیل چودھری
ملتان (کرائم رپورٹر) ٹریفک پولیس افسروں روڈ پر عوام الناس کو ٹریفک قوانین بارے آ گاہی مہم میں تیزی لائیں ۔ تاکہ ٹریفک حادثات سے بچا جا سکے ۔
ان خیالات کا اظہار ریجنل پولیس آفیسر کیپٹن (ر) محمد سہیل چودھری نے ٹریفک پولیس افسروں سے میٹنگ کے دوران کیا ۔ چیف ٹریفک آفیسر محمد نعیم ودیگر اعلیٰ افسران بھی موجود تھے ۔ انہوں نے مزید کہا کہ ٹریفک پولیس افسروں کا براہِ راست تعلق عوام سے ہوتا ہے ۔ وہ پولیس کو لیڈ کررہے ہوتے ہیں اس لئے ضروری ہے کہ ان کو حادثات سے بچاؤ بارے بریف کریں ۔ اور اس کے نقصانات بارے بتائیں ۔ انہوں نے مزید کہا کہ ڈرائیونگ لائسنس کا حصول انتہائی سہل بنا دیا گیا ہے ۔ لوگوں کو بتائیں کہ وہ اپنا ڈرائیونگ لائسنس کس طرح بنوا سکتے ہیں لائیسنس بنوا کر وہ کس طرح پریشانیوں سے بھی بچ سکتے ہیں ۔اسی طرح تعلیمی اداروں، سکول ، کالجز، یونیورسٹی اور زیادہ رش والے مصروف چوک اور بس اڈوں والی جگہوں پر لوگوں کو ٹریفک قوانین بارے آ گاہی دیں۔ اور اس پر سختی عمل درآمد کرنے کی ہدایت کریں ۔
