نشتر ہسپتال میں خسرہ کے 16مریض زیر علاج
ملتان(لیڈی رپورٹر) ملتان سمیت جنوبی پنجاب میں خسرہ کی وبا پر قابو نہ پایا جا سکا ،محکمہ صحت ملتان اور جنوبی پنجاب ہیلتھ سیکرٹریٹ کی جانب سے بھی کوئی اقدامات نہ اٹھائے جا سکے ۔
چلڈرن کمپلیکس میں رواں سال خسرہ میں مبتلا 1 ہزار 38مریض بچے رپورٹ ہوئے ، نشتر ہسپتال میں خسرہ کے شبہ میں 16مریض بچے زیر علاج تفصیل کے مطابق ملتان سمیت جنوبی پنجاب میں خسرے کی وبا پھیل چکی ہے تاہم اس حوالے سے محکمہ صحت ملتان اور ہیلتھ سیکرٹریٹ جنوبی پنجاب کے افسر حسب معمول دفاتر تک محدود ہیں جس کے باعث وبا کو روکنے سے متعلق کوئی احتیاطی اقدامات بروقت نہیں اٹھائے جا سکے ۔ ادھر ترجمان چلڈرن کمپلیکس ملتان کے مطابق چلڈرن کمپلیکس رواں سال خسرہ میں مبتلا 1 ہزار 38مریض بچے رپورٹ ہوئے ،چلڈرن کمپلیکس میں اس وقت خسرہ کے شبہ میں 32مریض بچے زیر علاج ہیں،جبکہ گزشتہ 24گھنٹوں کے دوران چلڈرن کمپلیکس میں خسرہ کے شبہ میں 04مریض بچے رپورٹ ہوئے ادھر نشتر ہسپتال ملتان میں خسرہ میں مبتلا مریضوں کے لئے آئی سو لیشن وارڈ میں بستروں کی تعداد 24 سے بڑھا کر 30 کر دی گئی تھی جہاں اس وقت خسرہ کے شبہ میں 12مریض بچے زیر علاج ہیں۔
